अन्तर्राष्ट्रिय समुदाय सहमतिको सरकारका पक्षमाः प्रचण्ड

काठमाडौं कार्तिक १५ । एकीकृत नेकपा माओवादीका अध्यक्ष पुष्पकमल दहाल प्रचण्डले अन्तराष्ट्रिय समुदायले समेत नेपालमा राष्ट्रिय सहमितीको सरकारमा जोड दिई रहेको बेला वर्तमान सरकारले जवरजस्ती आफूलाई टिकाउन कसरत गरि रहेको टिप्पणी गर्नु भएको छ । संयुक्त राष्ट्र संघका महासचिव बान की मुनको भनाई प्रति इंकित गर्दै अध्यक्ष प्रचण्डले अन्तराष्ट्रिय समुदायले समेत नेपालमा शान्ति र संविधानमा जोड दिई रहेका बेला सरकार मौन रहनु दुर्भाग्यपूर्ण रहेको बताउनु भयो ।
नेपाल सम्बत ११३० को अवसरमा माओवादी काठमाण्डौं निर्वाचन क्षेत्र नं। १० ले आज राजधानीमा आयोजना गरेको चियापान समारोहलाई सम्बोधन गर्दै प्रचण्डले शान्ति र संविधानका लागि वर्तमान सरकार बाधक बनेको आरोप लगाउनु भएको हो । उहाँले राष्ट्रपतिको कदम नसच्चिए सम्म आन्दोलनको बेग नरोकिने चेतावनी दिदैं आन्दोलनमा दमन वा बल प्रयोग भएमा त्यसको परिणाम सामान्य नहुने चेतावनी दिनु भयो । तर प्रचण्डले माओवादी आन्दोलन शान्ति पूर्ण हुने जानकारी गराउनुभयो ।
अध्यक्ष प्रचण्डले वर्तमान सरकारका मन्त्रीहरुको विस्तृत शान्ति सम्झौता विरोधी अभिव्यक्ति प्रति दिइरहेकेा भन्दै खेद प्रकट गर्नुभयो । नेपालको जारी शान्ति प्रकि्रया र संविधान लेखन कार्य लाई कुनै पनि अवस्थामा तुहाउन नदिने बताउँदै प्रचण्डले संविधानसभाका बिरुद्ध हुने कुनैपनि षडयन्त्र विरुद्ध आफ्नो पार्टी डटेर मुकाविला गर्ने उल्लेख गर्नुभयो । राष्ट्रपतिको कदम नसच्चिएमा भविष्य सम्म पनि जनताको लोकतन्त्र सुदृढ नहुने दावी गर्दै उहाले काँगे्रस र एमाले भित्रै राष्ट्रपतिको कदम असंवैधानिक भएको आवाज उठि रहेको जिकिर गर्नु भयो ।

Posted On:-